أكلات زنجباااااااااااااااااااااااااااااارية

مندازي:
في وايد طرق حق طبخ المندازي وبحط الطرق الي حصلتهم وعاد سو الي يعجبكم يا حلوين

الطريقة (1)

المقادير

-خمس اكواب طحين ابيض (رقم واحد)
-بيضتين
-اربع ملاعق حليب
-ملعقتين خميره
-ملعقه بيكنج بودر
-نص كوب زيت
-كوب سكر او ممكن تسوي زياده اذا كنت تريده حلو وايد
-ماء للعجن

الطريقه


-تخلط كل المقادير اللي عندك وتعجنها مع بعض جيدا (عجينة كل ما عجنتها اكثر كل ماكانت طريه واحلى) وتتركها بعد كذا وتغطيها لحد ما تتخمر وتنتفخ.
-تاخذ شوي من العجينه وتكورها وبعدين تبداء تفردها وبعد كذا تقصها على شكل مثلثات او دوائر
-بعد الفرد تتركها ربع ساعه وبعدين تقليها في زيت (ولازم يكون الزيت كثير عشان الخبز ينتفخ من كل الجوانب)
-وطبعا لما تحمر (لونها يكون ذهبي او بني فاتح) تشيلها من الزيت وتحطها على ورق عشان يمتص الزيت منها........وتستمر على هذه الطريقه لحد ماتخلص الكميه اللي عندك

وبعدين بالهنا والشفاء














كتشوري

المقادير

- 7 او 5 قطع بطاط مسلوق
-عصير 4 ليمونات متوسطات الحجم
- من 2 الى 4 ملاعق فلفل احمر حار مطحون
- 2 الى3 ملاعق كزبره مفرومه فرما ناعما
- 3 ملاعق بصل اخضر طويل مقطع قطع صغيرة
ولاتنسون الملح (الكميه حسب الرغبه)
-بيضه مخلوطه
-طحين ابيض

الطريقة

- يتم تقشير البطاط بعد ما يتفوح وتتأكدي انه لين قابل للهرس ..(لانه قد تكون في كتل صلبه)

- اهرسي البطاط بهراسه او ملعقة ولكن حاذري ان تهرسيه او تعجنيه في عجانه او اي اله كهربائيه

- يضاف عصير الليمون ويخلط جيدا مع البطاط وكذلك الكزبره والفلفل والملح

- بعد ما تنتهي من هذي الخطوات ابدئي بتشكيل البطاط على شكل دائري او بيضاوي متوسط واغمسيه في البيض وبعدين في الطحين وابدئي بقليه في زيت عميق شوي على نار هادئة حتى يحمر ..


وبالهناء والشفاء يا حلوين

وثانكسو